பாடம் 1 அத்தியாயம் 114 அந்நாஸ்-மனிதர்கள் வசனங்கள் 6

இந்த அத்தியாயத்தில் மக்களின் இரட்சகன், மக்களின் அரசன், மக்களால் வணங்கப்படும் இறைவன் என அல்லாஹ் தனது பண்புகளில் மூன்றைக் கூறி அவனிடம் ஷைத்தானின் தீங்கை விட்டும் பாதுகாவல் தேடும்படி கட்டளையிட்டுள்ளான். ஷைத்தான் மனிதனுக்கு மிகப் பகிரங்கமான பகைவன் என பல திரு வசனங்கள் மூலம் எச்சரித்துள்ளான்.

 மனிதர்களே! பூமியிலுள்ளவற்றில் அனுமதிக்கப்பட்ட தூயவற்றை உண்ணுங்கள். ஷைத்தானின் அடிச் சுவடுகளைப் பின்பற்றாதீர்கள். நிச்சயமாக அந்த ஷைத்தான் உங்களுக்குப் பகிரங்கமான எதிரியாக இருக்கிறான். திட்டமாக அவன் தீயதையும் அறுவறுப்பானவைகளையும் செய்யும் படியும், நீங்கள் அறி யாத வற்றை அல்லாஹ்வின் மீது சொல்வதையும் உங்களிடம் ஏவுகிறான்  (அல்குர்ஆன் : 2:168,169)  இன்னும் 2:208, 6:142, 7:22, 12:5, 36:30, 43,62, 20:117  & 28:15 போன்ற வசனங்களையும் பார்க்கவும்.

இந்த அத்தியாயம் குறித்து ஹதீஸ்களில் வந்துள்ளவற்றில் சில:

நபி(ஸல்) அவர்கள் படுக்கைக்குச் செல்லும்போது தமது இரு முன் கைகளைச் சேர்த்துக் குவித்து வைத் துக் கொண்டு குல்ஹுவல்லாஹு அஹத், ஃபலக், நாஸ் ஆகிய மூன்று அத்தியாயங்களையும் ஓதி ஊதி முடிந்த அளவு தமது உடல் முழுவதும் தடவிக் கொள்வார்கள். அப்போது தலை, முகம், உடலின் முன் பாகத்தை அவ்விரு கைகளால் தடவுவதை ஆரம்பித்துக் கொள்வார்கள்.: ஆயிஷா(ரலி) ,புகாரி.

இன்றைய தினம் இறக்கப்பட்டிருக்கிற குல் அவூது பிரப்பில் ஃபலக், குல்அவூது பிரப்பின் நாஸ் போன்ற திரு வசனங்கள் (இதற்கு முன்னர்) இறக்கப்படவில்லை என்பதை நீர் அறியவில்லையா? என உக்பா பின் ஆமிரிடம் ரசூல் (ஸல்) கூறியதாகக் கூறினார்கள்.  [ முஸ்லிம்.]

நான் அல்லாஹ்வின் தூதரைச் சந்தித்தேன், அப்போது அவர்கள் உக்பாவே! உன்னுடனுள்ள உறவு முறை யைத் துண்டிப்பவனை நீ அறவணைத்துக்கொள். உனக்குத் தர மறுப்பவருக்கு நீ கொடுத்துக்கொள். உனக்கு அநீதி இழைப்பவனை நீ மன்னித்துவிடு என்று கூறினார்கள். பின்னர் நான் ரசூல்(ஸல்) அவர்களி டம் வந்தேன், அப்போது அவர்கள் உக்பாவே! உனது நாவை அடக்கி வைத்துக் கொள். தவறுக்காக அழு.  உனது வீட்டை விசாலப்படுத்திக்கொள் என்றார்கள். பின்னர் ரசூல்(ஸல்) அவர்களைச் சந்தித்தேன். அப் போது அவர்கள் உக்பாவே! உனக்கு சில அத்தியாயங்களைக் கற்றுத்தரட்டுமா? அவை போன்றவை தவ் ராத், இன்ஜீல், ஸபூர், ஃபுர்கான் ஆகிய வேதங்களில் இறக்கப்பட்ட வில்லை! எந்த இரவும் அவற்றை நீ ஓதாமல் சென்று விடக்கூடாது, (அவை) குல்ஹுவல்லாஹு அஹத், குல் அவூது பிரப்பில் ஃபலக், குல் அவூது பிரப்பின் நாஸ் எனக் கூறினார்கள். நான் இவற்றை ஓதாதமல் எந்த இரவும் கடந்து செல்ல வில்லை. அவற்றை ஓத அல்லாஹ்வின் தூதர் எனக்குக் கட்டளையிட்டிருக்க அவைகளை விட்டு விடு வது எனக்கு தகுமானதல்ல என்று கூறினார்கள்.  [அறிவிப்பவர்: உக்பா பின் ஆமிர் (ரலி), : அஹ்மத்]